Бидний тухай

Бие Бялдар сэргээн Засах Судлалын Монголын Нийгэмлэг нь 2005 оны 09-р сарын 26 нд байгуулагдсан.  Тус нийгэмлэгийн зорилго нь сэргээн засахын эмч, мэргэжилтнүүдийг нэгтгэн, сэргээн засах анагаах ухааныг олон улсын жишигт хүргэн  хөгжүүлэх юм. Тус зорилгын хүрээнд сэргээн засахын салбарт ажилладаг эмч судлаач нарын уялдаа холбоог сайжруулж, тэдний мэдлэг, ур чадварыг сайжруулах, олон улсын эмч, мэргэжилтнүүдтэй туршлага солилцох, орчин үеийн сэргээн засах эмчилгээний ололт амжилтын талаарх мэдээллийг түгээх зэрэг үйл ажиллагааг явуулж байна.

  • Албан ёсны нэр

    “Бие Бялдар Сэргээн Засах Судлалын Монголын Нийгэмлэг” (англи хэлээр Mongolian Society of Phsycal and Rehabilitation Medicine)

  • Байгуулагдсан огноо

    2005 оны 9 сарын 26 өдөр үүсгэн байгуулагдаж, 11 сарын 7нд улсын бүртгэлийн гэрчилгээ авсан.

  • Үйл ажиллагааны чиглэл

    ББСЗСМН нь хүн амын эрүүл мэндийг хамгаалах, дэмжих талаар төр, олон нийт, төрийн бус байгууллагатай хамтран сургалт, эрдэм шинжилгээ, судалгааны үйл ажиллагаа явуулдаг ашгийн төлөө бус, нийгэмд үйлчилдэг, гишүүнчлэлтэй,төрийн бус байгууллага.

  • Алсын хараа

    Монгол Улсын эрүүл мэндийн салбарт Бие бялдар сэргээн засал судлалыг төгс байдлаар нэвтрүүлэн хөгжүүлж, олон нийтэд тус эмчилгээний үр нөлөө, ач холбогдлыг таниулах.

  • Эрхэм зорилго

    Бие бялдар сэргээн засал эмчилгээг хөгжүүлж, сэргээн засалч эмч, мэргэжилтний ёс зүй, мэдлэг, дадлага, ур чадварыг хөгжүүлэх, хүн амын бие бялдарыг хөдөлгөөний үйл ажиллагааны чадвар алдагдуулах өвчин эмгэг, хөгжлийн бэрхшээлээс сэргийлэх, оношилж эмчлэх, эрүүл мэндийг дэмжиж бэхжүүлэх үйл ажиллагаанд бодитой хувь нэмэр үзүүлэх.

  • Нийгэмлэгийн тэргүүн

    Б.Золзаяа ДЭМБ-ын сэргээн засахыг хариуцсан дотоодын зөвлөх  ( гар утас 9925-1906, имайл: batdavaajav@gmail.com)

  • Олон улсын байгууллагын гишүүнчлэл

    Бие бялдар сэргээн засах мэргэжлийн Олон улсын төв байгууллага болох Бие Бялдар Сэргээн Засах Судлалын Дэлхийн Нийгэмлэг (ISPRM) болон Ази Номхон Далайн Бие Бялдар Сэргээн Засах Судлалын Нийгэмлэг (AOSPRM)-ийн албан ёсны гишүүн. 

    Одоогийн чадавх, явуулж буй үйл ажиллагааны болон хамтран ажиллах ажлын чиглэл: Бие Бялдар Сэргээн Засах Судлалын Монголын Нийгэмлэг нь Бие бялдар сэргээн засахын тусламж, үйлчилгээг хөгжүүлж, дэлгэрүүлэх, сэргээн засах эмчилгээгээр нийгмийн амьдралын сайн сайхан байдлыг дээшлүүэхэд хувь нэмэр үзүүлэх, сэргээн заслын мэргэжлийн сургалт семинар, эрдэм шинжилгээний хурал зөвлөгөөн зохион байгуулах, сэргээн засахын эмч, мэргэжилтэн бэлтгэх боловсролын байгуулагатай хамтран ажиллаж, боловсролын чанарыг сайржуулахад хувь нэмэр үзүүлэх, сэргээн засах мэргэжлийн олон улсын төв байгууллага болох Бие бялдар сэргээн засах судлалын дэлхийн нийгэмлэг болон гадаад улс орнуудын мэргэжлийн байгууллагуудтай шинжлэх ухааны болоод нөхөрсөг хамтын ажиллагааг хөгжүүлэх чиглэлээр үйл ажиллагаагаа явуулдаг.

    Энэ зорилтын хүрээнд сэргээн засах мэргэжлийн салбартай холбогдолтой судалгаа шинжилгээг эрхлэх, сэргээн засахын эмч, мэргэжилтний төгсөлтийн дараах бүх төрлийн эмнэлзүйн сургалт болон дадлага сургалтыг зохион байгуулах, эмч, мэргэжилтний тасралтгүй боловсролын хөтөлбөр, удирдамж боловсруулах, үндэсний хэмжээнд төлөвлөгдөж байгаа сэргээн засахын эмнэлзүйн удирдамж, стандарт, хөтөч боловсруулахад оролцох, сэргээн засахын эмчийн мэргэжлийн ахлах болон тэргүүлэх зэргийн шалгалт зохион байгуулах зэрэг үйл ажиллагааг хэрэгжүүлж байна.

    Тус нийгэмлэг нь байгуулагдсан цагаасаа эхлэн сэргээн засах судлалын эмч, мэргэжилтний дунд жил бүр эрдэм шинжилгээний чуулганыг тасралтгүй зохион байгуулсаар ирсэн билээ. Мөн бие бялдар сэргээн засах шинжлэх ухааны “Монголын Бие Бялдар Сэргээн Засах Анагаах Ухаан” нэртэй мэргэжлийн сэтгүүлийг эрхлэн гаргадаг бөгөөд жил бүрийн 6, 12 саруудад ээлжит дугаарыг эрхлэн гаргадаг.

  • Цаашид явуулах үйл ажиллагааны болон хамтран ажиллах ажлын чиглэл

    Хойшид тус нийгэмлэг нь сэргээн засахын эмч, мэргэжилтний нийгмийн эрх ашгийг хамгаалах, нийгэмд эзлэх байр суурийг баталгаажуулах, тэдний ажиллах нийгэм, хууль эрх зүйн орчинг цогцоор бүрдүүлэх, боловсронгуй болгоход хувь нэмэр үзүүлэх, сэргээн засахын эмч, сэргээн засахын төрийн болон хувийн эмнэлгийн тасралтгүй хөгжлийг хангахад дэмжлэг үзүүлэх, төр нийгэм, олон нийтийн дунд бие бялдар сэргээн засах мэргэжлийн онцлогыг таниулж суртачлах, ач холбогдол, үр өгөөжийг нь нийгмийн бүхий л салбар, хүн бүрт эрх тэгш хүртээх үйл ажиллагааг зохион байгуулах болно.

    Эмнэлгийн сэргээн засах тусламж үйлчилгээг сайжруулах үйл ажиллагааны хүрээнд, сэргээн засах мэргэжлийн нийгэмлэгийн зүгээс эмнэлгийн сэргээн засах тусламж үйлчилгээ үзүүлж буй байгууллагуудын бүтэц зохион байгуулалт, тусламж үйлчилгээний үйл явц, чанар үр дүнг магадлан итгэмжлэх, сэргээн засах тусламж үйлчилгээг даатгалын тогтолцоонд уялдуулж зохион байгуулах үйл ажиллагаанд манлайлж оролцох, сэргээн засах анагаах ухааны шинэ дэвшилтэт техник, технологийг нутагшуулж хөгжүүлэх, сэргээн засах эмч, мэргэжилтний хөгжлийн бодлогыг тасралтгүй хэрэгжүүлэх, сэргээн засах тусламж, үйлчилгээ үзүүлж буй байгууллагуудын хамтын ажиллагааны уялдаа холбоог сайжруулахад мэргэжлийн нэгдсэн удирдлага арга зүйгээр хангах, хяналт тавьж ажиллах зэргээр хамтын ажиллагааг хөгжүүлэх болно.

Холбоо барих

  • Хаяг

    Улаанбаатар хот,  Баянзүрх дүүрэг, Энх тайвны  өргөн чөлөө – 210349  УХТЭ, сургалт гадаад харилцааны албаны байр

Санал хүсэлт

©2024. Бие бялдар Сэргээн засах судлалын Монголын Нийгэмлэг